Уран жиргээчид

Цэцэрлэгийн Уран Жиргээ уран уншлагын тэмцээн болж Цэлмүүн Аварга аалз шүлэг уншин оролцож ангиасаа алтан медаль хүртлээ.

Ирмүүн Унага шүлэг уншиж мөнгөн медалиар шагнууллаа.

Хуурамч хайр

Хоёр зулзага цэцэрлэгтээ явахгүй, өвөө эмээгийндээ 2 долоо хоног зочилж байгаан.  Ирмүүн эмээгийн зуураад тавьсан гурилаар тоглоод байжээ.

Эмээ: Ирмүүн ээ, болиорой. Ингээд байвал эмээгийн муухай ааш хөдөлнө шүү гэтэл өөдөөс нь

Ирмүүн: Тэгээд байвал би гэртээ харилаа шүү гэв.

*****

Эмээ: Ирмүүн ээ, чи өвөө эмээдээ хайртай юу?

Ирмүүн: Үгүй, би аавдаа, ээждээ, аниадаа хайртай. Өвөө, эмээд хайргүй.

Рэнж друдер

Эрэгтэй хүүхэд цаанаасаа машинд дуртай төрдөг юм байх даа. Ирмүүн хар багын л машин техникт дуртай, ямар сайндаа 2 дөхөөд ярьж чаддаггүй шахам байхдаа өвөөгийнхөө машинтай адилхан машин харчихаад өвөө өвөө гээд байхав дээ. Гадуур явж байгаад аав, өвөө, эмээгийн гээд мэддэг машинтайгаа таарвал заавал тэрний машинтай адилхан машин явж байна гэж хашхирна. Аавынхаа машиныг чанга дуутай, том гээд их дуртай. Краныг их том машин гэж сайнаар хандана. Гаднаа эрээн наалттай жижиг тэрэг байвал уралдааны машин гэж хашхирна. Сэтгэл нь хөдлөхөөр дандаа хашхирна, тэгээд чанга дуутайг яана!

Балетчин

Манай Цэлмүүн балетын хувцас авсан, удахгүй дугуйланд явах гэж байгаа. Тэгээд байн байн:
- Ээж ээ, би балетанд явна тээ?
- Тийм ээ, миний охин балетанд явна гэтэл Ирмүүн:
- Ээж ээ, би юунд явах билээ?
- Харин ээ, миний хүү юунд явдаг юм билээ?
- Хөвгүүдийн бүжгэнд явна тээ гэлээ.
**************************************
Дараа нь нэг өдөр:
- Би цагдаагийн машинд явна гэлээ.

Ирмүүний намрын бүтээлээс

Ангийн гоцлол дуучин, шүлэгч Ирмүүн

Цасан хүн

Цэлмүүний цасан хүнийг таа даа!

Таасан уу? Аль нь хамгийн завгүй харагдаж байна?
Тэр баахан охидоор тойруулсан цасан хүн Цэлмүүнийх байлаа.

Тэнгэр хөдөлдөг үү?

Амралтын өдөр гэртээ Hours гэдэг кино үзсэн. Нэгэн залуугийн эхнэр эмнэлэгт хүүхдээ дутуу төрүүлээд нас баржээ. Гэтэл тэр үеэр Катрина хар шуурга болж таараад хүмүүсийг эмнэлгээс нүүлгэн шилжүүлж байв. Харин мөнөөх залуу инкубаторт байгаа хүүхдээ сахин эмнэлэгтээ ганцаар шахуу үлдэнэ. Тэр хоёрын эмнэлэгт өнгөрүүлсэн минут, хором бүрт хүүхдийн амь нас дээсэн дөрөөн дээр дэнжигэнэж байлаа.

Киноны туршид Цэлмүүн, Ирмүүн хоёр хэл ам сугалчих гээд кино тайван үзүүлсэнгүй. Цэлмүүн юу асууна, тэрийг Ирмүүн давтаж асуун би киноны үйл явдлыг синхроноор тайлбарлан орчуулж байлаа. :)

Энэ киноноос хойш Цэлмүүн далайн шуурга, газар хөдлөлтийн талаар сонирхох болж, мэддэг улс гүрэн, газар болгоныхоо талаар лавлаж асуудаг боллоо.
Ц: Ээж, Орост газар хөдөлдөг үү? гэж асуухад
Э: Хөдөлдөг гэтэл Ирмүүн
И: Ээж, Орост тэнгэр хөдөлдөг үү?

Жич: Гоё кино байна лээ.

Цэлмүүнийн цэцэрлэгийн амьдралаас

Цэлмүүн үг хэлний хөгжил сайн, багшийнх нь хэлснээр leader, ангидаа оролцохгүй, хийхгүй, чадахгүй зүйлгүй. Шинэ Жилийн Концертонд Үнсгэлжиний дүрд тоглохоор болсон.

Эрүүл болон өвчтэй шүдний ялгаа

Ирмүүний бүтээлээс

Манай хоёр Гурван Хөгжил гэдэг хувийн цэцэрлэгт сурдаг. Эднийх preschool.mn сайтаар дамжуулан хүүхдүүдийн ангидаа хийсэн зүйлсийг хуваалцдаг нь үнэхээр таалагддаг.

Наамал баавгай.

Алим будсан нь.

 

Удирдлага аль гарт байгаа вэ?

Таасан хүнд шагналтай.