Гэрлэхэд яараад л

Манай Ирмүүн гэрлэх, хайр энэ тэрийн талаар их яринаа. Нэг өдөр "Би том болоод гэрлэх охиноо олсон чинь намайг тоохгүй бол яах уу гээд сандраад байх юм" гэнээ. Гэрлэхдээ яараад дараалал дээрээ жаахан алдаад байх шиг, гайгүй байгаа...

20180115

Заваарсан юм

Бид хэд дэлгүүрт трико, дотуур хувцасны лангууны хажуугаар өнгөрөв. Шилэн триконы сурталчилгааны хүүхний зураг хараад Ирмүүн хаанаасаа ч сурсан юм, хэзээ язааны егзөр өвгөн шиг "Заваарсан юм, бөгсөө гаргачихаад .." гэнээ. Хэнээс ч ийм үг сурдаг юм, манайд лав тэгэж ярьдаг хүн байдаггүй..

Бамбарууш

Ой хагастай бамбарууш. Өвөө чихсээр байгаад бандайсан бамбарууш болсон. Дэгдээхий гэж нэрлэхэд арай л бадриун залуу байна. Сар хагасын өмнө өвлийн комбинезон авсан чинь бараг багадах маягтай, гэдсээрээ бариад.  

Худлаа уйлна, хаха хаха гээд худлаа инээнэ. Боль, битгий гэдэг үг сонсвол шууд уйлна. Өөрөө болохоор юм хэлэхээр үгүй, үгүй, үгүй гээд л шийдэмгийгээр толгойгоо сэгсрэнэ.

Усанд орох багын их дуртай. Одоо ч гэсэн хэвээрээ. 

Арслан, бар, үлэг гүрвэл хараад аррр гэж архирна. 

Бэби шак дүү дүү гээд хуруугаа хөдөлгөөд, бүх хөдөлгөөнийг мэднэ,  дагаад дуулна. 

Поророгийн төгсгөлийн дууг зун аяллаар явахдаа сайн сурсан, бараг зүүдэндээ ч дуулна. Бам ба ба ба бам ба ба ба бам ба ба бааааааа

Зурагтаар дуу гарвал, кинон дээр ч юм уу ая гарвал хоёр гараа өргөөд бүжиглэнэ. Дуу бүжгэнд их дуртай. 

Машинаар их тоглож байна, түрээд л юм мөргүүлээд пүн тан түс тас гээд л

Хүүхэд төрүүлэхгүй

- Ээж, би хүүхэд яаж төрүүлдгийг харсан шдээ. Аниа үзүүлсийн. Тэгээд аймаар өвддөг юм байна лээ. Би яаж төрнөө? Ер нь би доороосоо даараад хүүхэд төрүүлж чаддаггүй болноо. Доороосоо даарвал хүүхэд төрүүлж чаддаггүй болдог гэсэн. Манай ангийн хүүхэд тэгэж байна лээ.

Цас

Өглөө бостол цас орсон байлаа. Гадаа гармагцаа Ирмүүн цас атгаж аваад Цэлмүүн рүү шидэв.
- Хүүе ээ, яаж байнаа?
- Тэгээд би яах юм бэ? Цас орсон байхад (хүн рүү шидэхгүй) яаж тэвчих юм бэ?

Нэмүүн

Ой 2 сартайдаа алхаж эхэллээ. Гэрээр юм буулгаад, болох болохгүй юм хийгээд явдаг болсон. Хогийн саванд их дуртай, байн байн гүйж очоод онголзуулаад. Харж байхгүй бол хаа хамаагүй юм аваачаад хаячихна.

Ой 3 сартайдаа ширээний хөлний булан мөргөөд духан дээрээ том булдруутай болж сандаргалаа. Бөөр алаг бөмбөг дууг бөө бөө гэж дуулаад, үйлдлийг нь яг хийгээд л.

Ой 5 сар хүрээд, ааш араншин суугаад бөөн эгдүүний үүр байна. Авмаар байгаа юмаа худлаа уйлж, чанга орилж нэхэж байна. Гадаа гарахын бөөн дур хүслэн.

Сургуулиас залхаж байна

И: Би энэ амьдралаас залхаж байна

Э: АААН?!

И: Сургууль гээд л...

Э: Сургууль муухай байна уу?

И: үгүй л дээ, гоё л доо, гэхдээ л ….

Ирмүүн сургуульд ороод өглөө автобусанд сууж яваад, өдөржин сургууль дээрээ байж байгаад орой ирээд даалгавраа хийдэг, тоглож наадах цаг багасахад гаргасан гомдол.

Хонуулдаг цэцэрлэг

Э: Хөвгүүд ер нь их үймүүлэх юм аа.
И: Та зөндөө олон удаа төрөөд бүгдэнд нь хүү гаргаад, тэд нар нь зодолдоод муудалцаад юмаа булаацалдаад байвал яах вэ?
Э: Хонуулдаг цэцэрлэгт өгнө дөө.
И: ....

Цисн цисн

Нэмүүн овоо хэдэн үг хэлнээ, цэцэг, ааваа, бөмбөг, баба, май, цисн цисн гээд л. Энэ дундаас "цисн цисн" их олон утгатай, ерөнхийдөө өлсөөд цангаад байна, сүү ууя гэж байгаан. Шөнө нүд нь аниастай, "май цисн цисн" гээд,  долоовор хуруугаараа яваад сүү аваад ир гээд заагаастай. Өдөр бол өлсөж цангахаараа гал тогооны тэк хавиар эргэлдээд л дээшээ заагаад л "цисн цисн" гэнэ шд. Тэгээд ус өгөхөөр уучдийн, тэгэхээр ер нь уух юм гэсэн утгатай бололтой.

Шүд соёолжийн

Ц: Ээж ээ, миний шүд соёолжийн.

Соёолоод байхдаа яахав дээ, ямар ургамал биш.. 😋

Стресс

Цэлмүүнтэй утсаар ярив.
Э: Миний охин юу хийж байна? Өнөөдөр сонин юу болов?
Ц: Ээж ээ, миний шүд өвдөөд. Унахгүй өвдөөд байнаа, би аймаар стресстэй байнаа. Одоо би яанаа? Энэнээс би ер нь амьд гарахгүй юм шиг байнаа....
--

Приусны хулгайч

Бид гэртээ Приусны хулгайч гээд приус хулгайлдаг бүлэг этгээдийн тухай монгол кино үзсэн юм. Тэрний дараахан Ирмүүн гадаа тоглож байснаа манай орцны нэг тохьтой, томоотой ахтай тааралдаад
- Би нэг юм хэлье, би нэг юм хэлье гэж зогсоосноо "Та приусны хулгайч киноны хүнтэй адилхан юмаа" гэж авсан. Нөгөө хүн нь татаад уначихсан, намайг тэгэж хэлсэн гээд ярьсан байсан.

Сургуулийн амьдралаас

Ирмүүн сургуульд анх ороод эхний өдрөөс л үймүүлж эхэлсэн. Бүр багш нь “Би ангидаа ороод ангийнхантайгаа мэндэлж ч амжаагүй байхад Ирмүүн юм асууж, шалгааж эхэлсэн” гэсэн. Хичээлийн 4 дөх өдөр гараа өргөж ч билүү зүгээр ч биүү буланд зогсож шийтгүүлтлээ үймүүлсэн байсан.

Хичээлээ тараад хурдан харих гэж яардаг байлаа.

Ц: Чи очоод л амралтын өдрүүдээр тоглоно шд.

И: Бод доо, би 5 өдөр 3 цаг хүртэл хичээл хийж байна, тэгэхэд амралтын өдөр чинь хоёрхон шүү дээ гэсэн.

Одоо ч энэ үеэ бодвол овоо сурагч болж дээ хөөрхий.

Сургууль

Ирмүүн сургуульд орлоо. Хичээлийн шинэ жилийн нээлт болох гээд бид сургуулийн гадаа хүлээж зогслоо. Ирмүүн хэсэг зогссоноо залхуу нь хүрэв бололтой, эвшээхээр нь:

- Сургуульд өдөр унтуулдаггүй шд гэв.
- Тийм үү? Хэзээ ч үү?
- Хэзээ ч унтуулахгүй.
Хэсэг байж байснаа
- Маргааш унтуулах уу? гэнээ. Өнөө өдөр унтах дургүй залуу чинь унтуулахгүй гэхээр улам унтмаар болоод байгаа бололтой.

Одоо манай залуу ч 2-р ангийн том залуу болсон доо.

Тоос сорогчинд дурлагч

Нэмүүн Румбаг (автомат тоос сорогч) ёстой зүгээр байлгадаггүй шд. Өстөн дайсан гэж бодоод байдаг юм уу, эсвэл өрсөлдөгч, эсвэл тоглоом гэж боддог юм уу, бүү мэд.
Асаангуут гүйж очоод унтраана. Тэгснээ буцааж асаагаад эргэж харан харан зугтаана. Тэгснээ очиж унтраана. Ер нь эвдчих магадгүй.
Ердийн тоос сорогчинд ч бас дуртай. Асаангуут ард нь ирээд, муухай халуун агаарыг нь үнэрлээд л суучихдаг юм. Тэгээд л гэрээр дагаж хөөцөлдөөд л. Бас өөрөө соруулах гэж үзнэ. Ингээд бодохоор Нэмүүн тоос сорогчинд дуртай юм байнаа.

Ээжийн охин

Ц: Дүү хурдан том болоосой.

Э: Яагаад? Дүүтэйгээ тоглох гэсийм үү?

Ц: Үгүй, ээжтэйгээ унтъя.

Оньсого

И: Ээж, оньсого таалцъя аа.

Э: За.

И: Нар яагаад жаргадаг вэ?

Э: Яагаад жаргадаг ийн?

И: Нар жаргахгүй бол бид нар унтахгүй шд. Хүүхдүүх өдөр жаахан, шөнө их унтдаг. Бид нарыг унтуулах гээд нар жаргадаг байхгүй юу.

Э: Наадах чинь оньсого биш байна.

И: Мөөн, мөн!

Цэцэг

Нэмүүний анхны үг цэцэг байлаа. 5 сард хотхоны хашаанд бүйлс мод цэцэглэж, цэцгийг нь цэцэг гэж зааж өгтөл "тцэтцэггг" гээд нээх хөөрхөн хэлээд сурчихсан. Хамгийн инээдтэй нь модыг цэцэг гээд бодчихсон байгаа. Яваандаа учрыг нь олох байгаа.

4

4-ийн тооны сүүл хаашаа хардаг вэ?

Царцааны гэр бүл

Өнгөрсөн зун, хөдөө ууланд явж байгаад Ирмүүн царцаа барьж, усны саванд цуглуулаад байв.
 - Битгий амьтан тамлаад бай!
 - Би тамлаагүй ээ, сургаж байгаан гээд хайхрахгүй байв.
Болиулчих санаатай, арай өөр өнцгөөс:
 - Наад царцааны чинь гэрийнхэн нь санаа зовж байгаа даа гэж өнөө царцааг өрөвдүүлэх гэж үзлээ.
 - Зүгээр ээ, энд гэр бүлээрээ байгаан гэнэээ. Хэлэх ч үг олдсонгүй, энэ хүүхдийн хэл амыг гүйцэхгүй нь ээ.

Солгой

Ирмүүн хамаг үсэг тоог буруу харуулж бичнэ. Тэгээд буруу харуулж бичлээ гээд хэлэхээр би солгой гээд гүрийнэ шүү. 

Багш нь хүчээр баруун гараар бичүүлэх гэхвий гээд багшдаа хэлээрэй гэснийг манай хүн "Угаасаа аав намайг багшдаа хэлээрэй (солгой гартай, буруу харуулж бичдэг)" гэсийн гэнээ. 

Далайн дээрэмчний үхэл

Далайн дээрэмчин ингэж үхдэг, тээ? Далайд, давалгаанд, бас наймаалжинд.

Мөрөөдөл

Ирмүүнийг хардаг байсан эгч нь унтуулахдаа гарыг нь сугандаа тас хавчуулаад хөдөлгөөнгүй дараад унтуулчихдаг байсийн. Тэгээд суга барих дуртай болцон.
"Би мөрөөдөлдөө хүрсэн, миний мөрөөдөл аавын суга" гэнээ...

Онигоо

И: Ээж, би нэг онигоо ярьж өгье.
Э: За тэг.
И: Нэг хүн шоконд ордог байхгүй юу?
Э: Ямар шок? (Шоколадтай холбоотой ухааны юм бодов).
И: Яагаав, баяр болоод л, хүмүүс архи уугаад л.

Шок гэж шоуг хэлээд байсан байж, үхтлээ инээгээд онигоог нь үргэлжлүүлж сонсохоо ч мартчихлаа.