Шоог

 Н: Шоог гэдэг үг чинь ямар үг билээ?

Э: Мэдэхгүй.

Н: Оймс.

Сокс гэдэг үгийг хэлжээ, манай Нэмүүн С, Ш үсгийг хэлж чаддаггүй юм л даа. 

Бамбарууш

 Нэмүүн багын л бамбарууш шиг царайтай байсийн. Бумбагар хацартай, балтгар биетэй.. би дандаа ээжийн бамбарууш гэсээр байгаад одоо өөрийгөө бамбарууш л гэж боддог бололтой.

Уул нь баавгайны хүүхдийг бамбарууш гэж мэднэ л дээ. 

- Нэмүүн ээ, чи инээдтэй хүүхэд шүү.

- Би хүүхэд биш. БАМБАРУУШ!

- Манай хүүхдийг Нэмүүн гэдэг.

- Үгүй ш дээ, би Нэмүүн бамбарууш.

Нэг иймэрхүү л яриа өрнөнө шүү дээ. 

6 настай

- Нэмүүн, чи хэдэн настай вэ?

- Зургаан настай.

- Чи хэзээдээ 6 хүрчихэв ээ? (төрөөд 3 жил болж байсийн)

- 5 хүрээд, дараа нь 6 хүрчихсэн шдээ.

- Хэзээ 5 нас хүрсэн бэ?

- 4 нас хүрээд л 5 нас хүрчихсэн...

Үнсий

 Аав: Нэмүүн ээ, үнсий

Нэмүүн: Таны залгасан дугаар байхгүй байна гэнээ, их мэдэх юмаа

Сонсогдохгүй байна

Нэмүүн бид хоёр зэрэгцээд сууж байв.

Э: Нэмүүн ээ, явж шүдээ угаа.

Н: Сонсогдохгүй байна өө. Юу ч сонсогдохгүй байна.

Хар цагаан

 - Ээж ээ, миний хар, цагаан, хар, цагаан, хар, цагаан морь хааччихав?

Хамаатай

 Ахаасаа хэрүүлийн шинж чанартай шинэ үг жаахан дутуу сурчихжээ. 

- Тэр чинь надад хамаатай ийн.

- Чи өөрөө надад хамаатай ийн л гэхийн. 

Надад ямар хамаатайн гээд л хэрэлдчих гээд л байх шиг байгаан..

Хумсны асуудал

Нэмүүн хөлийн хумсаа авахуулах аймаар дургүй. Бүр бага байхын л бөөн юм болж авахуулдаг байсан юм.
Одоо том болсон чинь хүчээр ч авч дийлэхээ байсан. Бөөн гуйлга түүлгэ, хахууль болж байж, хөлийн эрхий хурууны хумсаа авахыг хааяа зөвшөөрнө. За тэгээд нэг эхэлснийх, хүчилж байгаад дараагийн гурван хурууны хумсыг авна. Тэгээд чигчий хуруун дээр бол бүр ёстой нөө, амь тэмцэн эсэргүүцээд ямар ч найраагүй.

Үс, хумсаа авахаар өвддөг болохоор огт авдаггүй хүний тухай уншиж байсан л юм байна. Нэмүүнийг бас тийм, хумсандаа мэдрэлтэй, авахаар өвдөөд байдаг юм болов уу гээд бодохоор үгүй. Унтаж байхдаа зүв зүгээр авахуулчихдаг юм. Хэн нэгэн чигчий хурууны хумсыг нь өвтгөөд хашраачихсан юм болов уу..

Нэмүүний үгсийн сан

Нэмүүн өглөө сэрээд ээж ээ, зөндөө нар босчихсон байна, бүгдээрээ босъё гэнэ. Орой болохоор зөндөө харанхуй босчихсон байна гэж ярина.

************
Баахан тоглоом газраар хөглөрүүлээд асгасан байв.
- Нэмүүн, яагаад хог тариад байнаа?
- Хог тариагүй ээ, тоглоом тарьж байна.

************
Нэг шинэ үг сурахаараа тэрийгээ өгүүлбэр бүрт оруулаад дасгал хийдэг юм.
- Аав намайг гоё усанд оруулаад байдаг, Аниа намайг муухай оруулаад байдаг. Ингээд байдаг, тэгээд байдаг.

************
- Ээж ээ, би сүүгээ санаа зовоогүй асгачихлаа (Санамсаргүй гэж хэлэхийг яг эсрэгээр нь санаа зовоогүй гэж хэлээд сурчихсан, инээд хүргээд л байна).

Нэмүүн 2 настай

Нэмүүн том болоод л, хэлсэн болгоныг ойлгоно, одоохондоо ойлгомжтой ярьж чадахгүй л байгаагаас биш. нилээд олон үг хэлдэг болсон

Мандаринд их дуртай, май маадин май маадин гээд нэхээд зогсчихно, эсвэл өөрөө хөргөгч ухаад байдаг болсон. Банаан, боов гэж бас хэлнэ. 

Нөөөө гээд л. Өвөө нь аялалд явсан хойгуур хэдэн өдөр эмээ нь харах боллоо. Тэгээд нэг өглөө сэрэхэд эмээ нь очоод авах гэсэн чинь нэг нүдээрээ харснаа Нөөөөө гээд, 

таавчиг, гутал

дух, хацар, ам, хамар, нүд, толгой, үс, хөл, гар, гүзээ

баавгай, гахай, жийв жийв, гоо-гоо-гоо (тахиа), туулай

ээж, аав, аниа, агаа, эмээ, өвөө

сүүг харин сүү гээд хэлэхээр өөдөөс жишн жишн гэдэг хэвээрээ

Нэмүүн 1 нас 10 сар хүрлээ

Нэмүүн цагаан сарын дараа хий настайгаа 3 нас хүрээд үсээ авахуулсан. Халзан толгой хага, хамрын нус суга болсоон.
Цагаан сараар өвөөгөөсөө 7 хоног холдсон чинь одоо өвөөгөөсөө салахгүй, эрхлээд орилоод сүйд болдог. Өвөөгөө байхгүйд их хүмүүжилтэй, өөрийгөө зохицуулаад л явдаг. Өвөөг ирмэгц Нэмүүний зан ааш өөрчлөгдөж, уйлж унжаад л, өвөөг командлаад л эхлэнэ шүү дээ.
Өөрөө нэг машин чирээд, өвөөдөө, өвөө байхгүй бол өөр нэгэнд нь бас нэг машин чирүүлээд л цуваа болоод л баахан явна.
Зүгээр зогсохдоо гараа хийх газар олохгүй байгаа ч юм уу, эсвэл юу хийе дээ, яаж үймүүлье дээ гэсэн шиг нээх хөөрхөн гараа савчаад л байхийн.

Ах, эгчтэйгээ Гангнам стайлыг чангаар тавьж, хөшгөө хааж харанхуй болгож байгаад ядартлаа дискодно.

Баавгай

Ханан дээр Нэмүүний өндөрт тааруулан амьтны зураг наагаад баавгай, туулай, мяу мяу, жийв жийв гэж зааж өглөө. Баавгай хаана байна, туулай хаана байна гэхээр дор нь олж заагаад сурчихлаа.
Нэг өдөр Баавгай хаана байна гээд асуутал Ирмүүн Нэмүүний янзыг үзэх гээд өнөөх баавгайг нь халхлаад суучихав. Тэрнээс хойш баавгай хаана байна гэхээр өнөөх баавгайныхаа урд очоод суучихдаг боллоо. Ирмүүн суухаар баавгайг халхалдаг бол Нэмүүн баавгайныхаа доор нь таарна. Яг л ингээд байвал яажийн гээд байдаг заан, хулганы онигоо шиг.

Нэмүүн 1 нас 9 сар хүрлээ

Шөнө сэрж сүүгээ уусаар л , одоо өвөрт унтах дуртай болж байх шиг байна.
Хөл гар чангараад, хөдөлгөөн нэмэгдээд, өрөө хооронд толгойгоо урагш тонгойлгож байгаад тожигнотол гүйнэ.
Ирээд л шууд өвдтөл өшиглөдөг болсон.
Таавчикан дээрээ давхарлаад ээжийн, аавын таавчикийг өмсөөд явна.
Юм хэлэхээр давтаад бибибиадбадабдмад гээд яг дуурайна.
No гээд эгч нь зааж өгсөн, одоо үнсье гэхээр нөөө, унт гэхээр нөөө, юм л бол нө нөнөөө гээд л.
Памперсыг бабужи гэдэг, шээх, баах болохоороо бабужи гээд заагаад..

Нэмүүн ой 8 сар хүрлээ

Ер зүгээр суухгүй, тасралтгүй босож суугаад авираад л буугаад л тонтогонож өгнө шүү дээ. Сандал руу авираад, сандлаас ширээ авирч гараад суучихна. Байнга харж, хүүе хаая гэж байхгүй бол аль хэзээний ширээн дээр гараад суучихна. Тэгчихээд хэн харж байна гээд ийш тийшээ хараад байгаан, яг буу гэж хэлнэ гэж мэдээд байгаан. Тэгээд буу гэхээр худлаа уйлна. Ахынхаа сандал дээрээс хичээлийн ширээ рүү нь авирсан. 

*****************
Өөрийнх нь хүссэн хариултыг хэлэхгүй бол бас уйлна, хоёр бандгар гараараа нүүрээ дараад, ааайй гэж жаахан үзсэнээ бид нарын хариу үйлдэл, болон бусад нөхцөл байдлаас шалтгаалан үргэлжлүүлэн уйлна, эсвэл больчихно. Унахаар нь авахгүй бол орилоод л хэвтээд байна. Хаа очиж, чихэнд чийртэй биш, их аятайхан эр хонгор дуугаар уйлдаг юм.

Бамбуу

Нэмүүн ой 7 сар хүрлээ.

Харахаас хага базчихмаар эгдүүтэй.

Царайлаг, мариалаг, ухаалаг, эгдүүлэг Бамбуушиг. Бамбуу ч гэж дуудаж болно.

Үс нь зөндөө ургаад, бүрэн боогддог болсон. Үсийг нь боочихоор түнтийсэн духтай, бомбойсон хацартай, арилгасан сонгино шиг цэвэрхэн хүү болно доо. 

Гэрээр гүйгээд л гэрэл асаагаад л. Унтраах гэхээр арай хүрэхгүй.

Таалагдахгүй юм, эсвэл боль битгий гэхээр тас гүрийгээд, эргэж ч харахгүй толгой сэгсрээд зогсчихно ш дээ. 

Бамбарууш

Ой хагастай бамбарууш. Өвөө чихсээр байгаад бандайсан бамбарууш болсон. Дэгдээхий гэж нэрлэхэд арай л бадриун залуу байна. Сар хагасын өмнө өвлийн комбинезон авсан чинь бараг багадах маягтай, гэдсээрээ бариад.  

Худлаа уйлна, хаха хаха гээд худлаа инээнэ. Боль, битгий гэдэг үг сонсвол шууд уйлна. Өөрөө болохоор юм хэлэхээр үгүй, үгүй, үгүй гээд л шийдэмгийгээр толгойгоо сэгсрэнэ.

Усанд орох багын их дуртай. Одоо ч гэсэн хэвээрээ. 

Арслан, бар, үлэг гүрвэл хараад аррр гэж архирна. 

Бэби шак дүү дүү гээд хуруугаа хөдөлгөөд, бүх хөдөлгөөнийг мэднэ,  дагаад дуулна. 

Поророгийн төгсгөлийн дууг зун аяллаар явахдаа сайн сурсан, бараг зүүдэндээ ч дуулна. Бам ба ба ба бам ба ба ба бам ба ба бааааааа

Зурагтаар дуу гарвал, кинон дээр ч юм уу ая гарвал хоёр гараа өргөөд бүжиглэнэ. Дуу бүжгэнд их дуртай. 

Машинаар их тоглож байна, түрээд л юм мөргүүлээд пүн тан түс тас гээд л

Нэмүүн

Ой 2 сартайдаа алхаж эхэллээ. Гэрээр юм буулгаад, болох болохгүй юм хийгээд явдаг болсон. Хогийн саванд их дуртай, байн байн гүйж очоод онголзуулаад. Харж байхгүй бол хаа хамаагүй юм аваачаад хаячихна.

Ой 3 сартайдаа ширээний хөлний булан мөргөөд духан дээрээ том булдруутай болж сандаргалаа. Бөөр алаг бөмбөг дууг бөө бөө гэж дуулаад, үйлдлийг нь яг хийгээд л.

Ой 5 сар хүрээд, ааш араншин суугаад бөөн эгдүүний үүр байна. Авмаар байгаа юмаа худлаа уйлж, чанга орилж нэхэж байна. Гадаа гарахын бөөн дур хүслэн.

Цисн цисн

Нэмүүн овоо хэдэн үг хэлнээ, цэцэг, ааваа, бөмбөг, баба, май, цисн цисн гээд л. Энэ дундаас "цисн цисн" их олон утгатай, ерөнхийдөө өлсөөд цангаад байна, сүү ууя гэж байгаан. Шөнө нүд нь аниастай, "май цисн цисн" гээд,  долоовор хуруугаараа яваад сүү аваад ир гээд заагаастай. Өдөр бол өлсөж цангахаараа гал тогооны тэк хавиар эргэлдээд л дээшээ заагаад л "цисн цисн" гэнэ шд. Тэгээд ус өгөхөөр уучдийн, тэгэхээр ер нь уух юм гэсэн утгатай бололтой.

Тоос сорогчинд дурлагч

Нэмүүн Румбаг (автомат тоос сорогч) ёстой зүгээр байлгадаггүй шд. Өстөн дайсан гэж бодоод байдаг юм уу, эсвэл өрсөлдөгч, эсвэл тоглоом гэж боддог юм уу, бүү мэд.
Асаангуут гүйж очоод унтраана. Тэгснээ буцааж асаагаад эргэж харан харан зугтаана. Тэгснээ очиж унтраана. Ер нь эвдчих магадгүй.
Ердийн тоос сорогчинд ч бас дуртай. Асаангуут ард нь ирээд, муухай халуун агаарыг нь үнэрлээд л суучихдаг юм. Тэгээд л гэрээр дагаж хөөцөлдөөд л. Бас өөрөө соруулах гэж үзнэ. Ингээд бодохоор Нэмүүн тоос сорогчинд дуртай юм байнаа.

Цэцэг

Нэмүүний анхны үг цэцэг байлаа. 5 сард хотхоны хашаанд бүйлс мод цэцэглэж, цэцгийг нь цэцэг гэж зааж өгтөл "тцэтцэггг" гээд нээх хөөрхөн хэлээд сурчихсан. Хамгийн инээдтэй нь модыг цэцэг гээд бодчихсон байгаа. Яваандаа учрыг нь олох байгаа.