Рэнж друдер

Эрэгтэй хүүхэд цаанаасаа машинд дуртай төрдөг юм байх даа. Ирмүүн хар багын л машин техникт дуртай, ямар сайндаа 2 дөхөөд ярьж чаддаггүй шахам байхдаа өвөөгийнхөө машинтай адилхан машин харчихаад өвөө өвөө гээд байхав дээ. Гадуур явж байгаад аав, өвөө, эмээгийн гээд мэддэг машинтайгаа таарвал заавал тэрний машинтай адилхан машин явж байна гэж хашхирна. Аавынхаа машиныг чанга дуутай, том гээд их дуртай. Краныг их том машин гэж сайнаар хандана. Гаднаа эрээн наалттай жижиг тэрэг байвал уралдааны машин гэж хашхирна. Сэтгэл нь хөдлөхөөр дандаа хашхирна, тэгээд чанга дуутайг яана!

Эгч нь дүүгээрээ заалгаад одоо бас машины марк, энэ тэрийг ялгадаг, эмблемийг таньдаг болсон. Ирмүүний мэддэг эмблем/машинууд гэвэл Бээнз, Бэмви, Рэнж друдер гээд хэдэн машин бий. 

- Рэнж друдер биш ээ, рэнж ровер.

- Үгүй!(ууртайгаар хашхирна.) Рэнж друдер!

-  Тэгэж хэлдэггүй юм аа, хэн чамд тэгэж хэлсэн юм бэ?

- Цэцэнбилэг (Цэцэрлэгийн ангийн хүүхэд).
-  Цэцэнбилэг буруу тогтоосон байна аа, рэнж ровер гэдэг байхгүй юу?
-  ҮГҮЙ! РЭНЖ ДРУДЕР!!!