Цэлмүүний ярианаас

Эмээ нь Цэлмүүнийг хааяа өдөржингөө орилоод толгой өвтгөөд байх юм гэнэ. Тэгтэл нэгэн орой Цэлмүүн цэцэрлэгээс ирээд

- Наранцэцэг өдөржингөө орилоод миний толгой өвдчихлөө гэж ярьв. 

Хэдэн өдрийн дараа Цэлмүүний хөл хөхөрчихсөн байхаар нь

- Миний охин хөлөө яачихсан юм бэ?

- Ёоёо болгочихсон.

- Яаж байгаад ёоёо болгочихсон юм бэ?

- Наранцэцэг орилоод байсан чинь миний хөл ёоёо болчихсон гэв.

Цэлмүүний яриа

- Цэлмүүн ээ, чамд мэнгэ байгаа юу?

- Байгаа.

- Хаана чинь байгаа юм бэ?

- Энд гэж Цэлмүүн мэнгээ үзүүлнэ.

- Чи хаанаас ийм мэнгэтэй болсон юм бэ?

- Би дэлгүүрээс авсан юм.

- (:-O) Ямар дэлгүүрээс?

- Мэнгэний дэлгүүрээс...

Хэд хоногийн дараа

- Чи хаанаас мэнгэ авсан гэлээ?

- Загасны дэлгүүрээс авсан шд.

Өвөө нь чөмөг ташаад сууж байтал Цэлмүүн "Өвөө, манай махыг битгий зодоод бай" гэв.

***

Цэлмүүн 2011 оны 3 сарын 31-нд даахиа өөрөө үргээж орхив.

***

Ээж ээ, би өөрийгөө зодчихлоо. Намайг үлээгээд эдгээгээд өгөөч.

Шинэ нэр

Юм бичилгүй нилээд удлаа. Амжихгүй, төвдөхгүй гээд олон шалтгаан байлаа.

Цэлмүүн охин цэцэрлэгт явж байгаа, одоо уйлж унжихаа больсон, өглөө босохдоо жаахан нойрмоглодгийг эс тооцвол тун дажгүй. Дүүтэй болсондоо овоо дасаж, одоо сүйд шүү дээ. Эрхлүүлээд л үнсээд л ...

Ирмүүн хүү одоогоор гэртээ, суудаг, зутан иддэг болсон. 2 хүүхэдтэй айлын завгүй амьдрал өрнөсөөр л.

Блогийн нэрээ өөрчлөхгүй бол 2 хүүхэддээ тусд нь юм хөтлөнө гэвэл арай барахгүй нь. Харин юу гэж өөрчлөхөө мэддэггүй ээ, нэээх урт Цэлмүүн Ирмүүн хоёр гэлтэй нь ч биш....

Бандааштай баавгай

- Эмээ, жижиг баавгай ханиад хүрчихлээ. Тариад өгөөч гэсээр Цэлмүүн өрөөнд орж ирэв. Эмээ хариуд нь
- Өө, чи баавгайгаа дулаахан хувцаслахгүй яасан юм бэ? Баавгай чинь даараад ханиад хүрчихсэн байна гэв.
- Би бандааш өмсгөсөн шд...

Кино үзэв

Өнөөдөр Цэлмүүн анх удаагаа кино театрт кино үзэв. Өргөөд Рио гээд хөөрхөн хүүхэлдэйн кино үзэв. Гэр бүлээрээ үзэхэд тохиромжтой, хөөрхөн кино байв. Том дэлгэц, чанга чимээ, харанхуйгаас айх болов уу, ороод ядраад унтаад өгөх болов уу гэтэл ямар ч тийм юм болсонгүй. Хэзээ язааны том хүүхэд шиг анхааралтай үзээд гарч ирээд "Би том болоод жийв жийв болно" гэдэг байна шд. Тэгэхээр сүрхий ойлгож үзсэн бололтой.

ЭНэ киног үзээд миний очиж үзэх улс орны жагсаалтанд Бразил нэмэгдэв ээ. Ялангуяа багт наадмаар очиж үзэх хэрэгтэй.

Салхин цэцэгтсэн нь

Цэлмүүний гэдсэн дээр өчигдөр нэг шалбархай байсныг урчихсан юм байх гэж бодоод өнгөртөл үгүй, салхин цэцэг туссан болж таарлаа. Өглөө биеэр нь юм туураад эхэлчихэж, өдөр бага зэрэг бүлээнтэй байв. Арга ч үгүй байх, 2 долоо хоногийн өмнө манай хүүхэд хардаг охин салхин цэцэг тусаад гэртээ 7 хоноод ирсэн юм. Бас өнгөрсөн долоо хоногт манайд ирсэн Цэлмүүний үеэл маргааш өдөр нь салхин цэцэг туссан нь илэрсэн. 

Дүүтэй боллоо

2011 оны 2 сарын 27-нд Ирмүүн хүү нарт хорвоод мэндэлж Цэлмүүн охин аниа боллоо.

Томоогүй охин минь 2 нас хүрлээ

Аавын охин

Манай охин аавынхаа улаан фэн. Бид хоёрыг гаднаас цугтаа орж ирэхээр аав аа гэж хашхирна, намайг орж ирэхээр аав хаачив гэж асууна. Гэртээ аавыгаа унаад л, 00 орсон ч үүдийг нь сахиад л салахгүй шүү дээ.
Өнгөрсөн долоо хоногт хүүхэлдэйн театрт "Ишиг хөөрхөн" гэж жүжиг үзсэн. Анх ороод их гайхаж байсан ч удалгүй жүжгэндээ ороод маш анхааралтайгаар, ангиараа яваа хүүхдүүдийн шуугилдахыг ч үл тоон үзсэн.
Жүжиг тараад аавынхаа ажлаар ороод гарахад цуг ажиллагсад нь Цэлмүүнийг ихэд өхөөрдсөн гэсэн. Хамгийн инээдтэй коммент гэвэл нэг хүн миний охиныг аавтайгаа адилхан юм, чих нь л ээжтэйгээ адилхан гэсэн, тэгэхээр би Дамбо шиг чихээрээ хүнд танигддаг нэгэн болж таарах нь ээ.

А үсэг

Цэлмүүн А үсэг мэддэг болсон. Өнгөрсөн долоо хоногт үзэг цаастай хааяа нөхөрлөж, муур нохой зуруулахын хажуугаар А, Б, В гээд үсэг бичээд давтан дуудуулж байсан юм. Тэгтэл өчигдөр би загварын сэтгүүл үзээд сууж байтал А, А гээд байхаар нь харсан чинь нээрээ томоор бичсэн А-г зааж байна. Ингээд л миний охин эрдэм ном сурч эхлэх нь дээ. :)

 Энэ зургийг 9 сарын 1 гэж нэрлэе.

2010.10.18

А үсэг  мэддэг болоод нилээд хугацаа өнгөрлөө. Одоо А, Л үсэг шиг хэлбэртэй юм харах болгондоо А гээд хашхирна. Хамгийн инээдтэй нь манай хүн хөлөө хол алцайлгаж зогсоод доошоо хараад А үсэг гэдэг болсон.

2010.12.07

Мэд!!!

Цэлмүүний хэл ам сүүлийн үед гүйцэгдэхээ байлаа. Хөлөө жий, нуруу мааж, тэнд хэрээ майна, маамааг бүүвэйл л гэнэ.
Хөтөвчинд шээж, баагаад сурчихсан ч хааяа гэнэ алддаг талтай. Өчигдөр өмдөндөө шээгээд эмээ охин хоёрын хооронд ийм яриа өрнөжээ.
- Чи баба.
- Би гого.
- Аа мэдэхгүй.
- Мэд гэж охин чангаар хашхирав.