Хайр аа, хоёулаа гэрлэх үү?

Хайр аа, хоёулаа гэрлэх үү? гэж Ирмүүн нэг хэсэг Цэлмүүн бид хоёрыг залхаав ш дээ. Эмэгтэй хүнтэй гэрлэхээ мэдээд байгаа юм аа, аавыгаа тэгэхгүй, бид хоёрыг эргүүлдэнэ.
- Гэрлэнэ гэж яадаг юм бэ?
-Уруул дээр чинь үнсье гэх юм. Цэцэрлэгээсээ сурсан бололтой.
Цэлмүүн бүр залхаад
- Ээж ээ, энэ Ирмүүнийг болиулаад өгөөч гэлээ.
- За тэгэж л байг даа, тэртэй тэргүй та хоёр гэрлэхгүй шд.
- Сонсохоор уур хүрээд, аягүй хэцүү, ядаргаатай байнаа гэнээ.
2015 оны 10 сар

*****************
- Ээж ээ, би том болоод Амин-Эрдэнэтэй гэрлэнэ.
- Аан, за. Тэг тэг.
- Бас Э. Маралгоотой.
- Айн? Тэгээд хоёр эхнэртэй болох юм уу?
- Аанхаа.

***********************
- Ээж ээ, би Маралгоод хайртай болчихсон шд.
- Тийм үү? Марлаа чинь тэгээд хөөрхөн юм уу?
- Ямар Марлаа?
- Аан, Маралгоо чинь хөөрхөн юм уу?
- Үгүй ээ, би зүгээр л хайртай болчихсон байхгүй юу...

***********************

Саяхан зураг үзэж байсан чинь Ирмүүн

- Энэ Э.Маралгоо байна, хөөрхөн байна уу гэнээ, тэгээд харсан чинь Цэлмүүний ангийн охин, тэгэхээр манай Ирмүүнээс хоёр эгч, тэгэхдээ бүр Цэлмүүнээс хүртэл толгой өндөр том охин байна лээ. :)