Удирдлага аль гарт байгаа вэ?

Таасан хүнд шагналтай.

Сансарт явнаа

Өглөө цэцэрлэгтээ очих замд ийм яриа өрнөв.

-          Ээж ээ, намайг 5 нас хүрэхээр, Ирмүүнийг 3 нас хүрэхээр бид хоерыг сансарт явуулаад өгөөч.

-          Сансар чинь их хол, онгоцоор яваад ч хүрч чадахгүй, пуужингаар л явж болно. Дэлхий дээрх зөндөө олон хүнээс цөөхөн хүн сансарт нисэж байсан. Ээж нь явж үзээгүй, бас хүүхдүүдийг явуулдаггүй. Миний хүүхдүүд том болохоороо сансарт нисээрэй за гэхчлэн би дэлгэрэнгүй тайлбарлаж гарлаа. Тэгсэн чинь өөдөөс:

-          Тэгвэл Уянга аниа яагаад Сансарт явж байна гээд яриад байсан юм гэдэг байгаа!

Цэлмүүний очихыг хүссэн сансар нь огторгуйн сансар биш, манай Сансар хороолол болж таарлаа.

 

Арван Үүдэрман

Ирмүүний хэлэх дуртай тоо 10. Тоотой холбоотой асуултын ихэнхэд 10 гэж хариулна.
- Цаг хэд болж байна?
- Арван цаг болж байна.

Орой ирээд бүгдээрээ хувцсаа сольж байхад харчихаад:
- Ээжээ, эрхлэе гэдэг нь тэврэлдээд хэвтье гэж байгаан.
- За ганц эрхэлчихье гэхээр
- Үгүй ээ, арав эрхлэе гэнэ.

Тоо тоолохоороо:
 - Нэг, хоёрын, гурваа, таваа, арав, арван нэг, арван хоёр...

Кремтэй талханд их дуртай.
- Арван талх идье.

- Ээж ээ, үлгэр яриад өгөөч.
- За тэгье.
- Арван мангастай, арван үүдэрмантай үлгэр яриарай.
Ирмүүн Суперманыг Үүдэрман гэдийн, хичнээн засаж хэлээд нэмэр болоогүй, үгүй, Үүдэрман гэдэг гэж гүрийгээд...

 

Аав морь

- Цэлмүүн ээ, чи морь унаж үзсэн юм уу?
- Үзсэн шдээ. (Торохгүй хариулав.)
- Хэзээ?!
- Өчигдөр. (Цаг хугацаа асуусан асуултанд Цэлмүүний түгээмэл хэрэглэдэг хариулт.)
- Ямар морь?
- Аав морь!

Эгч дүүс

Тэрсхэн эгч дүү хоёр өсч байна даа. 11 сар орчмын зураг.

Цэлмүүний ярианаас

Эмээ нь Цэлмүүнийг хааяа өдөржингөө орилоод толгой өвтгөөд байх юм гэнэ. Тэгтэл нэгэн орой Цэлмүүн цэцэрлэгээс ирээд

- Наранцэцэг өдөржингөө орилоод миний толгой өвдчихлөө гэж ярьв. 

Хэдэн өдрийн дараа Цэлмүүний хөл хөхөрчихсөн байхаар нь

- Миний охин хөлөө яачихсан юм бэ?

- Ёоёо болгочихсон.

- Яаж байгаад ёоёо болгочихсон юм бэ?

- Наранцэцэг орилоод байсан чинь миний хөл ёоёо болчихсон гэв.

Цэлмүүний яриа

- Цэлмүүн ээ, чамд мэнгэ байгаа юу?

- Байгаа.

- Хаана чинь байгаа юм бэ?

- Энд гэж Цэлмүүн мэнгээ үзүүлнэ.

- Чи хаанаас ийм мэнгэтэй болсон юм бэ?

- Би дэлгүүрээс авсан юм.

- (:-O) Ямар дэлгүүрээс?

- Мэнгэний дэлгүүрээс...

Хэд хоногийн дараа

- Чи хаанаас мэнгэ авсан гэлээ?

- Загасны дэлгүүрээс авсан шд.

Өвөө нь чөмөг ташаад сууж байтал Цэлмүүн "Өвөө, манай махыг битгий зодоод бай" гэв.

***

Цэлмүүн 2011 оны 3 сарын 31-нд даахиа өөрөө үргээж орхив.

***

Ээж ээ, би өөрийгөө зодчихлоо. Намайг үлээгээд эдгээгээд өгөөч.

Шинэ нэр

Юм бичилгүй нилээд удлаа. Амжихгүй, төвдөхгүй гээд олон шалтгаан байлаа.

Цэлмүүн охин цэцэрлэгт явж байгаа, одоо уйлж унжихаа больсон, өглөө босохдоо жаахан нойрмоглодгийг эс тооцвол тун дажгүй. Дүүтэй болсондоо овоо дасаж, одоо сүйд шүү дээ. Эрхлүүлээд л үнсээд л ...

Ирмүүн хүү одоогоор гэртээ, суудаг, зутан иддэг болсон. 2 хүүхэдтэй айлын завгүй амьдрал өрнөсөөр л.

Блогийн нэрээ өөрчлөхгүй бол 2 хүүхэддээ тусд нь юм хөтлөнө гэвэл арай барахгүй нь. Харин юу гэж өөрчлөхөө мэддэггүй ээ, нэээх урт Цэлмүүн Ирмүүн хоёр гэлтэй нь ч биш....

Бандааштай баавгай

- Эмээ, жижиг баавгай ханиад хүрчихлээ. Тариад өгөөч гэсээр Цэлмүүн өрөөнд орж ирэв. Эмээ хариуд нь
- Өө, чи баавгайгаа дулаахан хувцаслахгүй яасан юм бэ? Баавгай чинь даараад ханиад хүрчихсэн байна гэв.
- Би бандааш өмсгөсөн шд...

Кино үзэв

Өнөөдөр Цэлмүүн анх удаагаа кино театрт кино үзэв. Өргөөд Рио гээд хөөрхөн хүүхэлдэйн кино үзэв. Гэр бүлээрээ үзэхэд тохиромжтой, хөөрхөн кино байв. Том дэлгэц, чанга чимээ, харанхуйгаас айх болов уу, ороод ядраад унтаад өгөх болов уу гэтэл ямар ч тийм юм болсонгүй. Хэзээ язааны том хүүхэд шиг анхааралтай үзээд гарч ирээд "Би том болоод жийв жийв болно" гэдэг байна шд. Тэгэхээр сүрхий ойлгож үзсэн бололтой.

ЭНэ киног үзээд миний очиж үзэх улс орны жагсаалтанд Бразил нэмэгдэв ээ. Ялангуяа багт наадмаар очиж үзэх хэрэгтэй.